𑄢𑄎𑄨𑄛𑄴𑄚𑄧𑄉𑄧𑄢𑄴, 𑄃𑄬𑄛𑄳𑄢𑄴𑄨𑄣𑄴 𑄷𑄸, 𑄸𑄶𑄸𑄹: 𑄃𑄬𑄇𑄴 𑄘𑄧𑄣𑄴 𑄇𑄎𑄢𑄨 𑄘𑄧𑄣𑄬 𑄘𑄁𑄊𑄪 𑄇𑄪𑄣𑄬𑄚𑄴𑄘𑄳𑄢𑄧 𑄝𑄨𑄇𑄌𑄴 𑄌𑄇𑄴𑄟𑄳𑄦, 𑄃𑄭𑄛𑄨𑄃𑄢𑄴𑄃𑄮, 𑄌𑄨𑄃𑄬𑄘𑄨𑄌𑄨𑄢𑄴 𑄟𑄪𑄇𑄴𑄛𑄖𑄴𑄨𑄠𑄬𑄬 𑄃𑄬𑄬𑄌𑄳𑄠𑄴𑄬𑄬 𑄢𑄎𑄨𑄛𑄴𑄚𑄧𑄉𑄧𑄢𑄴 𑅄𑄪𑄋𑄨𑄣𑄇𑄳𑄆𑄴 𑅁 𑄖𑄢𑄳𑄦 𑄌𑄨𑄃𑄬𑄘𑄨𑄌𑄨𑄢𑄴 𑄟𑄪𑄣𑄴𑄙𑄪𑄎𑄨 𑄇𑄧𑄟𑄧𑄣𑄚𑄧𑄉𑄧𑄢𑄧𑄖𑄳𑄦𑄴𑄪𑄚𑄴 𑄟𑄧𑄁𑄉𑄧𑄣𑄴𑄝𑄢𑄬 𑄣𑄧𑄢𑄴 𑄘𑄮𑄚𑄴 𑅁 𑄖 𑄣𑄧𑄊𑄬 𑄥𑄧𑄟𑄢𑄴 𑄃𑄬𑅄𑄇𑄴 𑄘𑄁𑄊𑄪 𑄃𑄨𑄁𑄣𑄧𑄚𑄴 𑄌𑄇𑄴𑄟𑄳𑄦, 𑄇𑄳𑄅𑄧𑄖𑄴 𑄛𑄳𑄢𑄬𑄥𑄨𑄘𑄬𑄚𑄴𑄖𑄴 𑄃𑄬𑄚𑄴 𑄢𑄨𑄇𑄧𑄢𑄴𑄘𑄢𑄴, 𑄌𑄨𑄃𑄬𑄘𑄨𑄌𑄨; 𑄘𑄁𑄊𑄪 𑄟𑄳𑄅𑄧𑄚𑄪 𑄢𑄧𑄚𑄴𑄎𑄧𑄚𑄴 𑄌𑄇𑄴𑄟𑄳𑄦, 𑄛𑄨𑄃𑄬𑄃𑄮, 𑄌𑄨𑄃𑄬𑄘𑄨𑄌𑄨, 𑄘𑄁𑄊𑄪 𑄥𑄪𑄟𑄧𑄚𑄴 𑄌𑄇𑄴𑄟𑄳𑄦, 𑄃𑄬𑄌𑄴𑄃𑄢𑄴𑄃𑄮 𑄇𑄟𑄴 𑄃𑄬𑄃𑄭𑄛𑄨𑄃𑄢𑄴𑄃𑄮 𑄃𑄳𑄃 𑄃𑄬𑅄𑄇𑄴 𑄚𑄚𑄚𑄴 𑄎𑄧𑄚𑄴 𑅁

𑄛𑄧𑄖𑄳𑄦𑄴𑄧𑄟𑄴 𑄘𑄨𑄚𑄮𑄖𑄴 𑄟𑄪𑄣𑄴 𑄉𑄧𑄢𑄴𑄝 𑄦𑄨𑄎𑄬𑄝𑄬 𑄝𑄳𑄅𑄧𑄏𑄨 𑄗𑄬𑄝𑄧 𑄘𑄁𑄊𑄪 𑄢𑄳𑄅𑄧𑄝𑄖𑄴 𑄢𑄧𑄟𑄳𑄅𑄧𑄠 𑄢𑄳𑄆𑄧𑄖𑄬, 𑄟𑄚𑄨 𑄈𑄢𑄢𑄴, 𑄉𑄝𑄪𑄌𑄳𑄠𑄴𑄳𑄦𑄬𑄬𑄢𑄴, 𑄝𑄬𑄢𑄚𑄧𑄢𑄴, 𑄈𑄧𑄝𑄧𑄢𑄈𑄧𑄝𑄧𑄢𑄧𑄢𑄴 𑄃𑄳𑄃 𑄘𑄨𑄌𑄴𑄖𑄳𑄢𑄨𑄇𑄴𑄖𑄴 𑄇𑄃𑄪𑄚𑄴𑄥𑄨𑄣𑄮𑄢𑄴 𑄟𑄳𑄅𑄧𑄚𑄴𑄖𑄳𑄢𑄨 𑅁 𑄟𑄚𑄨 𑄉𑄧𑄢𑄴𑄝 𑄦𑄨𑄎𑄬𑄝𑄬 𑄝𑄳𑄅𑄧𑄏𑄨 𑄗𑄬𑄝𑄇𑄴 𑄘𑄁𑄊𑄪 𑄃𑄨𑄃𑄢𑄴 𑄃𑄬𑄬𑄭𑄌𑄴. 𑄣𑄣𑄴𑄎𑄨𑄢𑄴𑄣𑄨𑄃𑄚, 𑄃𑄬𑄟𑄬𑄣𑄬 𑄃𑄳𑄃 𑄛𑄙𑄧𑄢𑄴 𑄦𑄬𑄎𑄣𑄴 𑄥𑄧𑄝𑄚𑄚𑄪 𑄃𑄢𑄳𑄦𑄧 𑄥𑄧𑄟𑄢𑄴 𑄗𑄬𑄝𑄧 𑄘𑄁𑄊𑄪 𑄇𑄬. 𑄣𑄣𑄴𑄘𑄧𑄁𑄣𑄨𑄃𑄚, 𑄃𑄬𑄟𑄬𑄣𑄬 𑄃𑄳𑄃 𑄇𑄢𑄴𑄇𑄚 𑄃𑄪𑄎𑄮𑄚𑄴𑄘𑄨 𑄦𑄬𑄎𑄣𑄴 𑄥𑄧𑄝𑄚𑄚𑄪 𑅁

𑄝𑄨𑄏𑄪 𑄟𑄨𑄣𑄳𑄅𑄧𑄚𑄨𑄖𑄴 𑄥𑄧𑄟𑄢𑄴 𑄝𑄳𑄅𑄧𑄘𑄨𑄝𑄖𑄳𑄆𑄴𑄬𑄬 𑄌𑄇𑄴𑄟𑄳𑄦 𑄃𑄧𑄖𑄧𑄚𑄧𑄟𑄳𑄦𑄌𑄴 𑄘𑄨𑄌𑄴𑄖𑄳𑄢𑄨𑄇𑄴𑄖𑄴 𑄇𑄃𑄪𑄚𑄴𑄥𑄨𑄣𑄳𑄅𑄧𑄖𑄳𑄦𑄴𑄪𑄚𑄴 𑄺𑄸 𑄎𑄳𑄅𑄧𑄚𑄳𑄠𑄴𑄬𑄬 𑄃𑄨𑄇𑄳𑄦𑄴𑄮 𑄚𑄌𑄴𑄉𑄨𑄘𑄮 𑄘𑄧𑄣𑄴 𑄘𑄁𑄊𑄪 𑄖𑄳𑄢𑄨𑄝𑄁𑄇𑄪 𑄌𑄇𑄴𑄟𑄳𑄦 𑄟𑄪𑄇𑄴𑄛𑄖𑄴𑄨𑄠𑄬𑄬 𑄟𑄨𑄏𑄮𑄢𑄟𑄧𑄖𑄴 𑄛𑄧𑄖𑄳𑄦𑄴𑄧𑄟𑄴 𑄝𑄨𑄏𑄪 𑄟𑄨𑄣𑄳𑄅𑄧𑄚𑄨𑄖𑄴 𑄢𑄧𑄁𑄙𑄧𑄁 𑄖𑄟𑄏 𑄘𑄬𑄬𑄉𑄬𑄬𑄞𑄖𑄳𑄆𑄴𑄬𑄬 𑄃𑄇𑄴𑄬 𑄙𑄳𑄅𑄧𑄢𑄨 𑄣𑄪𑄟𑄴𑄮𑄚𑄴𑄙𑄨 𑅁 𑄃𑄬𑄬 𑄛𑄳𑄆𑄘𑄬𑄚𑄳𑄦𑄬 𑄺 𑄖𑄢𑄩𑄇𑄴 𑄟𑄢𑄴𑄌𑄴 𑄸𑄶𑄸𑄹-𑄎𑄧𑄖𑄴 𑄃𑄨𑄇𑄳𑄦𑄴𑄮 𑄼 𑄎𑄳𑄅𑄧𑄚𑄳𑄠𑄴𑄬𑄬 𑄘𑄧𑄣𑄬 𑄢𑄎𑄨𑄛𑄴𑄚𑄧𑄉𑄧𑄢𑄧𑄖𑄳𑄦𑄴𑄪𑄚𑄴 𑄝𑄬𑄇𑄴 𑄇𑄎𑄢𑄨 𑄚𑄚𑄪𑄣𑄳𑄆 𑄟𑄨𑄣𑄨𑄚𑄳𑄆𑄬𑄬 𑄟𑄨𑄏𑄮𑄢𑄟𑄧𑄖𑄴 𑄛𑄧𑄖𑄳𑄦𑄴𑄧𑄟𑄴 𑄝𑄢𑄴 𑄝𑄨𑄏𑄪 𑄟𑄨𑄣𑄳𑄅𑄧𑄚𑄨 𑄢𑄎𑄨𑄛𑄴𑄚𑄧𑄉𑄧𑄢𑄴 𑄜𑄬𑄣𑄦𑄧𑄝𑄖𑄳𑄆𑄴𑄬𑄬 𑄖𑄬𑄟𑄴𑄟𑄋𑄴 𑄉𑄪𑄎𑄪𑄢𑄮 𑄦𑄳𑄅𑄧𑄠𑄬𑄬 𑄟𑄖𑄴𑄧𑄢𑄴 𑄃𑄨𑄣𑄬𑄇𑄴𑄥𑄧𑄚𑄧𑄢𑄴 𑄊𑄨𑄌𑄴 𑄗𑄚𑄭 𑄇𑄧𑄟𑄧𑄣𑄚𑄧𑄉𑄧𑄢𑄴 𑄜𑄬𑄬𑄣𑄳𑄆𑄬𑄬 𑄛𑄢 𑄚𑄳𑄃𑄧 𑄎𑄠𑄴𑅁 𑅁

𑄝𑄨𑄏𑄪 𑄟𑄨𑄣𑄳𑄅𑄧𑄚𑄨𑄞𑄮 𑄚𑄮 𑄝𑄧𑄏𑄧𑄢𑄴𑄞𑄮 𑄖𑄇𑄴 𑄉𑄳𑄅𑄧𑄢𑄳𑄦𑄨 𑄖𑄨𑄚𑄴𑄙𑄨𑄚𑄴 𑄥𑄧𑄁 𑄌𑄳𑄅𑄧𑄣𑄨𑄝𑄮 𑄎𑄨𑄞𑄬𑄬 𑄛𑄳𑄅𑄧𑄖𑄴𑄨 𑄝𑄧𑄏𑄧𑄢𑄴 𑄟𑄨𑄏𑄮𑄢𑄟𑄧 𑄞𑄨𑄘𑄨𑄢𑄬𑄬 𑄎𑄉 𑄝𑄳𑄅𑄧𑄘𑄳𑄅𑄧𑄣𑄨 𑄝𑄳𑄅𑄧𑄘𑄳𑄅𑄧𑄣𑄨 𑄛𑄣 𑄦𑄧𑄝𑄧 𑅁 𑄛𑄧𑄖𑄳𑄦𑄴𑄧𑄟𑄴 𑄝𑄢𑄧𑄢𑄴 𑄢𑄬𑄬𑄌𑄴𑄎𑄳𑄅𑄧 𑄇𑄝𑄧𑄢𑄴 𑄝𑄨𑄏𑄪 𑄟𑄨𑄣𑄳𑄅𑄧𑄚𑄨 𑄜𑄋𑄴 𑄦𑄧𑄝𑄖𑄳𑄆𑄴𑄬𑄬 𑄃𑄳𑄃 𑄞𑄢𑄧𑄘𑄧𑄢𑄴 𑄌𑄇𑄴𑄟𑄳𑄦-𑄦𑄪𑄚𑄮𑄢𑄴 𑄃𑄣𑄪𑄣𑄮 𑄘𑄪𑄣𑄪𑄣𑄮 𑄝𑄢𑄨𑄞𑄖𑄳𑄆𑄴𑄬𑄬 𑄟𑄨𑄣𑄳𑄅𑄧𑄚𑄨𑄖𑄴 𑄉𑄧𑄢𑄴𑄝 𑄃𑄞𑄧𑄢𑄴 𑄈𑄬𑄝𑄇𑄳𑄦𑄴𑄨 𑄖𑄳𑄢𑄨𑄛𑄪𑄢𑄖𑄳𑄦𑄴𑄪𑄚𑄴 𑄃𑄳𑄃 𑄟𑄨𑄏𑄮𑄢𑄟𑄧𑄢𑄴 𑄇𑄧𑄚𑄭𑄊𑄧𑄚𑄖𑄳𑄦𑄴𑄪𑄚𑄴 𑅁

𑄇𑄧𑄟𑄧𑄣𑄚𑄧𑄉𑄧𑄢𑄴, 𑄾 𑄜𑄬𑄛𑄴𑄝𑄳𑄢𑄪𑄃𑄢𑄨, 𑄸𑄶𑄸𑄹: 𑄃𑄬𑄬𑄌𑄳𑄠𑄴𑄬𑄬 𑄌𑄨𑄃𑄬𑄘𑄨𑄌𑄨 𑄢𑄬𑄌𑄴𑄖𑄴 𑄈𑄃𑄪𑄎𑄧𑄖𑄴 𑄃𑄬 𑄉𑄳𑄢𑄬𑄖𑄴 𑄇𑄎𑄢𑄨 𑄚𑄚𑄪𑄭 𑄃𑄳𑄃 𑄣𑄬𑄞𑄬𑄣𑄴 𑄖𑄬𑄚𑄧 𑄃𑄪𑄉𑄪𑄢𑄬𑄬 𑄇𑄎𑄢𑄨 𑄇𑄟𑄴𑄎𑄢𑄨 𑄟𑄚𑄫𑄌𑄳𑄦𑄴𑄪𑄚𑄬𑄬 𑄟𑄨𑄣𑄨𑄚𑄳𑄆𑄬𑄬 𑄖𑄨𑄚𑄳𑄦𑄴𑄮 𑄇𑄎𑄢𑄨 𑄚𑄚𑄪𑄢𑄳𑄦𑄬 𑄃𑄨𑄇𑄳𑄦𑄴𑄮 𑄝𑄨𑄘𑄳𑄆𑄬𑄬 𑄘𑄨𑄝𑄢𑄴 𑄈𑄚 𑄎𑄭𑄎𑄪𑄇𑄴𑄮𑄣𑄴 𑄉𑄳𑄅𑄧𑄢𑄳𑄦 𑄦𑄳𑄅𑄧𑄠𑄬𑄬 𑅁 𑄥𑄨𑄊𑄪𑄚𑄴 𑄦𑄧𑄣𑄇𑄳𑄦𑄴𑄬 𑄘𑄁𑄊𑄪 𑄢𑄳𑄦𑄨𑄘𑄳𑄆𑄧 𑄌𑄇𑄴𑄟𑄳𑄦, 𑄘𑄁𑄊𑄪 𑄚𑄧𑄚𑄴𑄘𑄧 𑄇𑄪𑄟𑄳𑄦𑄢𑄴 𑄌𑄇𑄴𑄟𑄳𑄦 𑄃𑄳𑄃 𑄘𑄁𑄊𑄪 𑄝𑄨𑄚𑄴𑄘𑄪𑄣𑄣𑄴 𑄌𑄇𑄴𑄟𑄳𑄦 𑅁 𑄖𑄢𑄳𑄦 𑄘𑄨𑄊𑄳𑄅𑄧𑄣𑄴 𑄉𑄳𑄅𑄧𑄢𑄳𑄦𑄨 𑄇𑄟𑄴 𑄉𑄳𑄅𑄧𑄢𑄚𑄳𑄦𑄭 𑄈𑄪𑄎𑄨 𑄟𑄧𑄎 𑄦𑄨𑄎𑄬𑄝𑄬 𑄃𑄬𑄇𑄳𑄦𑄴𑄚𑄴 𑄈𑄧𑄝𑄧𑄋𑄴, 𑄃𑄬𑄇𑄳𑄦𑄴𑄚𑄴 𑄖𑄉𑄧𑄣𑄴, 𑄃𑄬𑄇𑄳𑄦𑄴𑄚𑄴 𑄚𑄨𑄎𑄬𑄬𑄚𑄩 𑄣𑄉𑄢𑄳𑄦 𑄃𑄳𑄃 𑄝𑄪𑄖𑄴𑄙𑄮 𑄟𑄪𑄇𑄴𑄖𑄨 𑄃𑄨𑄇𑄳𑄦𑄴𑄮 𑄦𑄘𑄧𑄖𑄴 𑄖𑄪𑅄𑄨 𑄘𑄬𑄬 𑄦𑄳𑄅𑄧𑄠𑄬𑄬 𑅁

𑄖𑄉𑄧𑅄𑄚𑄴 𑄘𑄬𑄬 𑄦𑄳𑄅𑄧𑄠𑄬𑄬𑄘𑄬 𑄦𑄧𑄣𑄧𑄘𑄬 𑄖𑄢𑄳𑄦 𑄊𑄧𑄢𑄧 𑄇𑄟𑄧𑄖𑄴 𑄖𑄳𑄅𑄧𑄇𑄴𑄖𑄳𑄅𑄧𑄇𑄳𑄠𑄴𑄬𑄬 𑄉𑄳𑄅𑄧𑄢𑄳𑄦𑄨 𑄗𑄬𑄘𑄇𑄴 𑅁𑄥𑄬𑄬 𑄈𑄧𑄣𑄝𑄳𑄅𑄧𑄖𑄴 𑄝𑄬𑄇𑄴 𑄃𑄬𑄉𑄳𑄢𑄬𑄖𑄴 𑄇𑄎𑄢𑄨 𑄚𑄚𑄪𑄢𑄴 𑄃𑄳𑄃 𑄚𑄚𑄚𑄴 𑄣𑄬𑄞𑄬𑄣𑄴 𑄖𑄬𑄚𑄧 𑄇𑄟𑄴𑄎𑄢𑄨 𑄟𑄚𑄴𑄏𑄮𑄢𑄴 𑄊𑄳𑄅𑄧𑄢𑄳𑄅𑄧𑄚𑄨𑄠𑄳𑄅𑄧 𑄗𑄪𑄝𑄳𑄅𑄧 𑄃𑄬𑅄𑄇𑄴 𑅁

𑄘𑄁𑄊𑄪 𑄛𑄳𑄢𑄧𑄚𑄨𑄖𑄴 𑄝𑄨𑄇𑄌𑄴 𑄌𑄇𑄴𑄟𑄳𑄦, 𑄌𑄇𑄴𑄟𑄳𑄦 𑄃𑄧𑄖𑄧𑄚𑄧𑄟𑄳𑄦𑄌𑄴 𑄘𑄨𑄌𑄴𑄖𑄳𑄢𑄨𑄇𑄴 𑄇𑄃𑄪𑄚𑄴𑄥𑄨𑄣𑄮𑄢𑄴 𑄥𑄬𑄇𑄳𑄢𑄬𑄖𑄢𑄨𑄠𑄬𑄬 𑄖 𑄇𑄧𑄙𑄖𑄴 𑄇𑄟𑄧𑄖𑄳𑄦𑄴𑄪𑄚𑄴 𑄎𑄨𑄢𑄬𑄬𑄚𑄴 𑄣𑄧𑄘𑄧𑄚𑄴𑄙𑄬 𑄇𑄎𑄢𑄨 𑄚𑄚𑄪 𑄘𑄊𑄨𑄢𑄬𑄬 𑄖𑄢𑄳𑄦𑄢𑄴 𑄘𑄳𑄅𑄧𑄣𑄴 𑄇𑄟𑄚𑄩𑄣𑄴𑄣𑄭 𑄌𑄨𑄘𑄳𑄅𑄧𑄟𑄪𑄢𑄮 𑄇𑄳𑄅𑄧𑄌𑄴𑄛𑄚𑄳𑄦 𑄎𑄚𑄬𑄬𑄠𑄬𑄬 𑄃𑄳𑄃 𑄖𑄢𑄳𑄦 𑄚𑄨𑄢𑄪𑄉𑄨 𑄗𑄬𑄝𑄖𑄳𑄆𑄴𑄬𑄬 𑄙𑄢𑄳𑄅𑄧𑄌𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁

𑄘𑄁𑄊𑄪 𑄘𑄨𑄉𑄧𑄟𑄴𑄝𑄧𑄢𑄴 𑄌𑄇𑄴𑄟𑄳𑄦, 𑄣𑄬𑄎𑄨𑄥𑄳𑄣𑄬𑄖𑄨𑄛𑄴 𑄥𑄬𑄇𑄳𑄢𑄴𑄬𑄖𑄢𑄨, 𑄌𑄇𑄴𑄟𑄳𑄦 𑄃𑄧𑄖𑄧𑄚𑄧𑄟𑄳𑄦𑄌𑄴 𑄘𑄨𑄌𑄴𑄖𑄳𑄢𑄨𑄇𑄴 𑄇𑄃𑄪𑄚𑄴𑄥𑄨𑄣𑄴𑄖 𑄇𑄧𑄙𑄖𑄴 𑄇𑄟𑄧𑄖𑄳𑄦𑄴𑄪𑄚𑄴 𑄃𑄎𑄬𑄬𑄢𑄴 𑄣𑄧𑄘𑄧𑄚𑄴𑄙𑄬 𑄇𑄎𑄢𑄨 𑄚𑄚𑄪 𑄘𑄊𑄨 𑄖𑄧𑄚𑄴𑄘𑄬 𑄟𑄧𑄚𑄴𑄘𑄬𑄉𑄳𑄅𑄧𑄢𑄳𑄦𑄨 𑄃𑄎𑄬𑄬𑄢𑄴 𑄣𑄧𑄙𑄧𑄚𑄴 𑄇𑄳𑄄𑄬𑄬 𑄞𑄧𑄎𑄚𑄴 𑄇𑄧𑄝𑄣𑄴 𑄉𑄧𑄟𑄴 𑄃𑄊𑄧𑄚𑄴 𑄇𑄳𑄅𑄧𑄠𑄬𑄬 𑅁 𑄥𑄬𑄚𑄬 𑄖𑄬 𑄘𑄳𑄅𑄧𑄣𑄴 𑄙𑄨𑄚𑄮𑄖𑄴 𑄖 𑄟𑄧𑄚𑄧 𑄢𑄨𑄝𑄬𑄬𑄋𑄧𑄢𑄴 𑄈𑄪𑄎𑄨 𑄎𑄚𑄬𑄬𑄠𑄬𑄬 𑅁 𑄃𑄉𑄳𑄅𑄧𑄢𑄨 𑄎𑄢𑄳𑄦 𑄇𑄎𑄢𑄨 𑄚𑄚𑄪𑄭 𑄇𑄟𑄧 𑄃𑄎𑄬𑄬𑄢𑄴 𑄣𑄳𑄅𑄧𑄠𑄳𑄅𑄧𑄚𑄴 𑄦𑄨𑄢𑄪𑄇𑄴 𑄥𑄚𑄴 𑄚𑄧 𑄦𑄧𑄚𑄭 𑄖𑄢𑄳𑄦𑄢𑄳𑄦𑄬 𑄟𑄚𑄴 𑄘𑄨𑄚𑄳𑄆𑄬𑄬 𑄝𑄨𑄘𑄳𑄆𑄬𑄬 𑄘𑄨 𑄚𑄳𑄃𑄧𑄛𑄚𑄴 𑄇𑄳𑄄𑄬𑄬 𑄙𑄪𑄚𑄴𑄙𑄪𑄇𑄴 𑄈𑄬𑄬𑄠𑄬𑄬 𑅁 𑄖𑄬 𑄖𑄢𑄢𑄳𑄦𑄬 𑄈𑄪𑄎𑄨 𑄎𑄚𑄳𑄆𑄬𑄬 𑄖𑄢𑄳𑄦𑄢𑄴 𑄇𑄟𑄧𑄉𑄪𑄚𑄴 𑄥𑄧𑄢𑄧𑄚𑄴 𑄉𑄳𑄅𑄧𑄢𑄳𑄦𑄨

𑄖𑄢𑄳𑄦𑄢𑄴 𑄇𑄎𑄢𑄨 𑄎𑄨𑄁𑄇𑄚𑄨 𑄎𑄬𑄬𑄋𑄳𑄅𑄧𑄢𑄳𑄦𑄨 𑄘𑄳𑄅𑄧𑄣𑄬𑄬 𑄉𑄳𑄅𑄧𑄋𑄨 𑄎𑄬𑄬𑄠𑄳𑄦𑄬𑄬 𑄥𑄬𑄬𑄋𑄳𑄅𑄧𑄢𑄨 𑄉𑄳𑄅𑄧𑄋𑄨 𑄎𑄬𑄝𑄢𑄴 𑄙𑄢𑄳𑄅𑄧𑄌𑄴 𑄢𑄊𑄬𑄬𑄠𑄬𑄬 𑅁

𑄘𑄁𑄊𑄪 𑄢𑄨𑄘𑄳𑄆𑄧 𑄌𑄇𑄴𑄟𑄳𑄦 𑄷𑄿𑄾𑄿 𑄃𑄨𑄁𑄢𑄬𑄬𑄎𑄨𑄖𑄴 𑄃𑄭𑄛𑄨𑄃𑄢𑄳𑄅𑄧 𑄦𑄨𑄎𑄬𑄝𑄬 𑄌𑄉𑄳𑄅𑄧𑄢𑄨𑄖𑄴 𑄥𑄳𑄅𑄧𑄟𑄳𑄠𑄴𑄬𑄬 𑄥𑄬𑄚𑄬 𑄥𑄬𑄚𑄬 𑄚𑄚𑄚𑄴 𑄇𑄎𑄢𑄨𑄖𑄴 𑄇𑄟𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄬 𑄉𑄬𑄣𑄴𑄬 𑄹𑄷 𑄘𑄨𑄥𑄬𑄟𑄴𑄝𑄢𑄴, 𑄸𑄶𑄸𑄸 𑄃𑄨𑄁𑄢𑄬𑄬𑄎𑄨𑄖𑄴 𑄇𑄳𑄅𑄧𑄖𑄴 𑄛𑄳𑄢𑄬𑄥𑄨𑄘𑄬𑄚𑄴 𑄃𑄳𑄃 𑄢𑄨𑄇𑄧𑄢𑄴𑄘𑄢𑄴 𑄉𑄳𑄅𑄧𑄢𑄳𑄦𑄨 𑄇𑄟𑄧 𑄃𑄎𑄬𑄬𑄢𑄴 𑄣𑄳𑄅𑄧𑄠𑄳𑄦𑄬𑄬 𑅁 𑄖𑄬 𑄥𑄧𑄣𑄴𑄣 𑄘𑄨 𑄉𑄬𑄣𑄧𑄙𑄬 𑄎𑄨𑄖𑄳𑄦𑄴𑄪𑄢𑄴 𑄛𑄢𑄬 𑄟𑄚𑄫𑄌𑄳𑄦𑄴𑄮𑄢𑄴 𑄉𑄧𑄟𑄴𑄝𑄧𑄎𑄧𑄋𑄴 𑄥𑄉𑄨𑄚𑄳𑄆𑄬𑄬 𑄖𑄬 𑄃𑄎𑄬𑄬𑄢𑄴 𑄣𑄧𑄖𑄴𑄬 𑄇𑄟𑄳𑄦𑄚𑄴 𑄃𑄝𑄬𑄬𑄢𑄳𑄄𑄬𑄬 𑄘𑄨𑄙𑄇𑄴 𑄎𑄬𑄚𑄳𑄦𑄬 𑄇𑄎𑄢𑄨 𑄝𑄧𑄣𑄴 𑄝𑄧𑄎𑄧𑄋𑄬 𑄣𑄢 𑄚𑄧 𑄦𑄧𑄠𑄴 𑅁 𑄖 𑄃𑄟𑄧𑄣𑄧𑄖𑄴 𑄚𑄨𑄉𑄨𑄣𑄬𑄬𑄠𑄬𑄬 𑄥𑄣𑄳𑄠𑄴𑄬𑄬𑄋𑄴 𑄚𑄋𑄬 𑄈𑄧𑄝𑄧𑄢𑄧 𑄇𑄉𑄳𑄅𑄧𑄎𑄧 𑄇𑄧𑄙 𑄖𑄪𑅄𑄨 𑄙𑄳𑄅𑄧𑄌𑄳𑄠𑄴𑄬𑄬 𑄎𑄨𑄠𑄬𑄬𑄚𑄴 𑄇𑄪𑄎𑄨 𑄝𑄧𑄣𑄝𑄧𑄣𑄴 𑄚𑄧 𑄛𑄚𑄳𑄦𑄭 𑄞𑄧𑄌𑄴 𑄎𑄬𑄬𑄠𑄬𑄊𑄳𑄆𑅁 𑄥𑄬𑄎𑄬𑄚𑄴𑄙𑄨 𑄝𑄬𑄇𑄴𑄪𑄚𑄮𑄢𑄳𑄦𑄬 𑄃𑄟𑄧𑄊𑄨 𑄘𑄨𑄚𑄴 𑄟𑄙𑄚𑄧𑄢𑄴 𑄃𑄬𑄉𑄧𑄖𑄴𑄧𑄢𑄴 𑄦𑄳𑄅𑄧𑄠𑄬𑄬 𑄥𑄳𑄅𑄧𑄟𑄢𑄪𑄚𑄮𑄢𑄳𑄦𑄬 𑄈𑄪𑄎𑄨 𑄎𑄚𑄬𑄬𑄠𑄳𑄦𑄬𑄬 𑅁

𑄘𑄁𑄊𑄪 𑄚𑄧𑄚𑄴𑄘𑄧 𑄇𑄪𑄟𑄢𑄴 𑄌𑄇𑄴𑄟𑄳𑄦 𑄷𑄿𑄾𑄹 𑄃𑄨𑄁𑄢𑄬𑄬𑄎𑄨𑄖𑄴 𑄎𑄪𑄚𑄨𑄃𑄧𑄢𑄴 𑄃𑄨𑄚𑄴𑄎𑄨𑄚𑄨𑄦𑄢𑄴 𑄦𑄨𑄎𑄬𑄝𑄬 𑄌𑄉𑄳𑄅𑄧𑄢𑄨𑄖𑄴 𑄥𑄳𑄅𑄧𑄟𑄳𑄠𑄴𑄬𑄬 𑅁 𑄥𑄨𑄖𑄳𑄦𑄴𑄪𑄚𑄴 𑅄𑄉𑄧𑄖𑄴 𑄖𑄬 𑄚𑄚𑄚𑄴 𑄇𑄎𑄢𑄨𑄖𑄴 𑄇𑄟𑄴 𑄉𑄳𑄅𑄧𑄢𑄳𑄦𑄨 𑄢𑄪𑄢𑄬𑄣𑄴 𑄘𑄬𑄝𑄬𑄣𑄧𑄛𑄴𑄟𑄬𑄚𑄴𑄖𑄴 𑄃𑄮𑄜𑄨𑄥𑄢𑄴 𑄦𑄨𑄎𑄬𑄝𑄬 𑄎𑄚𑄪𑄃𑄢𑄨 𑄹𑄷 𑄖𑄢𑄩𑄇𑄴, 𑄸𑄶𑄸𑄹-𑄎𑄧𑄖𑄴 𑄇𑄟𑄧 𑄃𑄎𑄬𑄬𑄢𑄴 𑄣𑄳𑄅𑄧𑄠𑄳𑄦𑄬𑄬 𑅁

𑄖 𑄇𑄧𑄙𑄖𑄴 𑄇𑄳𑄅𑄧𑄠𑄬𑄬𑄘𑄬 𑄖 𑄃𑄟𑄧𑄣𑄧𑄖𑄴 𑄚𑄈𑄨 𑄌𑄨𑄃𑄬𑄘𑄨𑄌𑄨 𑄝𑄢𑄳𑄦 𑄎𑄉𑄖𑄴 𑄎𑄮𑄚𑄬𑄣𑄴 𑄃𑄳𑄃 𑄢𑄧𑄁𑄖𑄟𑄏 𑄜𑄬𑄬𑄣𑄬𑄬𑄠𑄬𑄬 𑄎𑄬𑄚𑄳𑄦𑄬 𑄌𑄇𑄴𑄟𑄳𑄦𑄭 𑄌𑄇𑄴𑄟𑄳𑄦𑄭 𑄝𑄢𑄳𑄦𑄬 𑄞𑄨𑄘𑄨𑄢𑄬𑄬 𑄞𑄬𑄬𑄭𑄞𑄳𑄅𑄧𑄚𑄴𑄘𑄪 𑄦𑄨𑄎𑄬𑄬𑄝𑄬 𑄗𑄳𑄆𑄬𑄬 𑄛𑄢 𑄎𑄠𑄴 𑅁

𑄈𑄢 𑄃𑄪𑄎𑄳𑄆𑄬𑄬 𑄚𑄨𑄝𑄖𑄳𑄆𑄴𑄬𑄬 𑄃𑄘𑄟𑄬 𑄃𑄘𑄟𑄬 𑄃𑄨𑄌𑄴𑄛𑄧𑄖𑄨𑄁 𑄇𑄳𑄣𑄛𑄴 𑄃𑄳𑄃 𑄝𑄳𑄅𑄧𑄣𑄳𑄅𑄧𑄟𑄖𑄴 𑄝𑄚𑄳𑄆𑄬𑄬 𑄘𑄬𑄬 𑄦𑄳𑄅𑄧𑄠𑄬𑄬 𑄎𑄧𑄇𑄳𑄦𑄴𑄬 𑄖𑄬 𑄘𑄨𑄌𑄴𑄖𑄳𑄢𑄨𑄇𑄴𑄖𑄴 𑄃𑄨𑄌𑄴𑄛𑄧𑄖𑄴 𑄛𑄳𑄢𑄧𑄟𑄳𑄅𑄧𑄥𑄧𑄚𑄴 𑄃𑄮𑄜𑄨𑄥𑄢𑄴 𑄃𑄬𑅄𑄧𑅁 𑄖𑄬 𑄃𑄨𑄁𑄉𑄨𑄖𑄴 𑄘𑄬𑄙𑄬 𑄛𑄣𑄳𑄠𑄴𑄬𑄬 𑄃𑄮𑄜𑄨𑄥𑄢𑄴 𑄖𑄳𑄢𑄬𑄬𑄚𑄨𑄋𑄮𑄖𑄴 𑄘𑄨 𑄛𑄘𑄚𑄳𑄦 𑅁

𑄘𑄁𑄊𑄪 𑄝𑄨𑄚𑄴𑄘𑄪𑄣𑄣𑄴 𑄌𑄇𑄴𑄟𑄳𑄦 𑄷𑄿𑄿𑄼 𑄃𑄨𑄁𑄢𑄬𑄬𑄎𑄨𑄖𑄴 𑄜𑄧𑄢𑄬𑄌𑄴𑄖𑄴 𑄉𑄖𑄴 𑄦𑄨𑄎𑄬𑄝𑄬 𑄌𑄉𑄳𑄅𑄧𑄢𑄨𑄖𑄴 𑄥𑄳𑄅𑄧𑄟𑄳𑄠𑄴𑄬𑄬 𑄟𑄖𑄴𑄧𑄢𑄴 𑄖𑄳𑄢𑄬𑄬𑄚𑄨𑄁 𑄣𑄳𑄆𑄣𑄪𑄭 𑄦𑄨𑄇𑄳𑄠𑄴𑄳𑄦𑄬𑄬 𑄘𑄨𑄛𑄪𑄖𑄨 𑄃𑄬𑄛𑄴𑄃𑄢𑄴𑄃𑄮 𑄉𑄳𑄅𑄧𑄢𑄳𑄦𑄨 𑄹𑄷 𑄎𑄚𑄪𑄃𑄢𑄨, 𑄸𑄶𑄸𑄹-𑄎𑄧𑄖𑄴 𑄇𑄟𑄧𑄖𑄳𑄦𑄴𑄪𑄚𑄴 𑄃𑄎𑄬𑄬𑄢𑄴 𑄣𑄳𑄅𑄧𑄠𑄳𑄦𑄬𑄬 𑅁𑄖𑄬𑄠𑄳𑄅𑄧 𑄝𑄨𑄘𑄳𑄆𑄬𑄬𑄘𑄳𑄅𑄧𑄚𑄨 𑄈𑄧𑄣𑄝𑄳𑄅𑄧 𑄃𑄢𑄉𑄚𑄨 𑄉𑄳𑄅𑄧𑄢𑄳𑄦𑄨 𑄘𑄬𑄚𑄭 𑄝𑄬𑄇𑄴𑄪𑄚𑄮𑄢𑄳𑄦𑄬 𑄈𑄪𑄎𑄨 𑄎𑄚𑄬𑄬𑄠𑄳𑄦𑄬𑄬 𑄎𑄨𑄠𑄬𑄬𑄚𑄴 𑄖𑄬 𑄞𑄝𑄨𑄠𑄳𑄅𑄧 𑄚𑄳𑄃𑄧𑄝𑄢𑄳𑄦𑄬 𑅁𑄥𑄬𑄎𑄬𑄚𑄴𑄙𑄨, 𑄝𑄬𑄉𑄧𑄢𑄴 𑄉𑄧𑄟𑄧𑄖𑄳𑄆𑄴𑄬𑄬 𑄌𑄇𑄴𑄟𑄳𑄦 𑄘𑄨𑄌𑄴𑄖𑄳𑄢𑄨𑄇𑄴 𑄇𑄃𑄪𑄚𑄴𑄥𑄨𑄣𑄴 𑄃𑄬𑄟𑄴𑄜𑄳𑄣𑄧𑄃𑄩 𑄎𑄳𑄅𑄧𑄙𑄞𑄮 𑄚𑄮 𑄙𑄧𑄊𑄬 𑄝𑄚 𑄦𑄧𑄝𑄧 𑄉𑄳𑄅𑄧𑄢𑄳𑄦𑄨 𑄘𑄢𑄝𑄚𑄴𑄙 𑄇𑄧𑄙 𑄦𑄳𑄅𑄧𑄠𑄬𑄬 𑅁 𑄥𑄬𑄬 𑄎𑄬𑄢𑄬𑄚𑄴𑄙𑄨 𑄇𑄟𑄧 𑄃𑄎𑄬𑄬𑄢𑄴 𑄣𑄧𑄘𑄧𑄚𑄴𑄙𑄬 𑄇𑄎𑄢𑄨 𑄚𑄚𑄪 𑄘𑄊𑄨 𑄣𑄧𑄊𑄬 𑄜𑄳𑄅𑄧𑄘𑄪 𑄣𑄳𑄆𑄣𑄪𑄭 𑄌𑄨𑄃𑄬𑄘𑄨𑄌𑄨 𑄢𑄬𑄌𑄴𑄖𑄴 𑄈𑄃𑄪𑄎𑄧𑄖𑄴 𑄌𑄪𑄙𑄳𑄅𑄧𑄟𑄪𑄘𑄳𑄅𑄧 𑄞𑄖𑄴 𑄈𑄳𑄆𑄬𑄬 𑄈𑄪𑄭 𑄈𑄧𑄣𑄝𑄳𑄅𑄧 𑄙𑄪𑄎𑄨 𑄦𑄳𑄆 𑄎𑄬𑄬𑄠𑄳𑄦𑄬𑄬 𑅁

𑄇𑄧𑄟𑄧𑄣𑄚𑄧𑄉𑄧𑄢𑄴, 𑄎𑄚𑄪𑄃𑄢𑄨 𑄷𑄽, 𑄸𑄶𑄸𑄹: 𑄃𑄬𑄬𑄌𑄳𑄠𑄴𑄬𑄬 𑄃𑄬𑄟𑄴𑄘𑄨𑄌𑄨 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦𑄢𑄴 𑄃𑄳𑄃 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦𑄢𑄴, 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄗𑄪𑄝𑄳𑄅𑄧𑄈𑄧𑄣 𑄌𑄨𑄃𑄬𑄘𑄨𑄌𑄨 𑄥𑄬𑄇𑄳𑄢𑄬𑄖𑄢𑄨𑄠𑄬𑄬𑄘𑄧𑄖𑄴 𑄝𑄨𑄘𑄨 𑄉𑄬𑅄𑄧 𑅁 𑄖𑄢𑄳𑄦 𑄥𑄧𑄣𑄧𑄋𑄚𑄨 𑄜𑄪𑄣𑄳𑄅𑄧𑄖𑄧𑄢𑄣𑄳𑄆 𑄝𑄨𑄘𑄳𑄆𑄬𑄬 𑄘𑄨𑄝𑄖𑄳𑄆𑄴𑄬𑄬 𑄥𑄬𑄇𑄳𑄢𑄬𑄖𑄢𑄨𑄠𑄬𑄬𑄘𑄧𑄖𑄴 𑄃𑄚𑄳𑄦 𑄦𑄳𑄅𑄧𑄠𑄬𑄬 𑄎𑄨𑄠𑄳𑄅𑄧𑄖𑄴 𑄝𑄬𑄇𑄴 𑄦𑄨𑄢𑄪𑄇𑄴 𑄎𑄨𑄖𑄳𑄠𑄴𑄬𑄬 𑄃𑄬𑄟𑄴𑄘𑄨𑄌𑄨, 𑄚𑄚𑄚𑄴 𑄢𑄎𑄧𑄚𑄨𑄖𑄨 𑄘𑄧𑄣𑄧𑄢𑄴 𑄥𑄝𑄋𑄨, 𑄥𑄧𑄟𑄏𑄧 𑄘𑄧𑄣𑄴 𑄃𑄳𑄃 𑄇𑄎𑄢𑄨𑄢𑄴 𑄇𑄟𑄧 𑄟𑄚𑄫𑄌𑄴 𑄗𑄪𑄝𑄳𑄅𑄧 𑄃𑄬𑅄𑄇𑄴 𑅁 𑄘𑄁𑄊𑄪 𑄛𑄳𑄢𑄧𑄚𑄨𑄖𑄴 𑄝𑄨𑄇𑄌𑄴 𑄌𑄇𑄴𑄟𑄳𑄦, 𑄃𑄬𑄇𑄴𑄎𑄨𑄇𑄨𑄃𑄪𑄗𑄨𑄛𑄴 𑄥𑄬𑄇𑄳𑄢𑄴𑄬𑄖𑄢𑄨, 𑄌𑄨𑄃𑄬𑄘𑄨𑄌𑄨𑄠𑄬𑄬 𑄗𑄪𑄝𑄳𑄅𑄧𑄈𑄧𑄣 𑄇𑄧𑄙 𑄝𑄙𑄨𑄟𑄪𑄙𑄨 𑄉𑄳𑄅𑄧𑄢𑄳𑄦𑄨 𑄇𑄳𑄄 𑄘𑄨 𑄥𑄧𑄣𑄧𑄋𑄴 𑄃𑄨𑄢𑄨 𑄎𑄬𑄬𑄠𑄬𑄬 𑄊𑄳𑄅𑄧𑄢𑄴𑄝𑄳𑄅𑄧 𑄃𑄪𑄘𑄨𑄏𑄬𑄬 𑄖𑄧𑄝𑄧𑄚 𑄉𑄳𑄅𑄧𑄢𑄳𑄦𑄨 𑄘𑄬𑄬 𑅁

𑄘𑄁𑄊𑄪 𑄇𑄣𑄨 𑄇𑄪𑄟𑄢𑄴 𑄖𑄧𑄁𑄌𑄧𑄁𑄋𑄳𑄠𑄴𑄬𑄬, 𑄥𑄧𑄝𑄚𑄚𑄪, 𑄌𑄨𑄃𑄬𑄘𑄨𑄌𑄨 𑄎𑄢𑄳𑄦 𑄥𑄧𑄟𑄴𑄝𑄢𑄧 𑄉𑄢𑄩𑄘𑄧𑄏𑄖𑄴 𑄛𑄳𑄅𑄧𑄢𑄨 𑄛𑄧𑄢𑄚𑄴 𑄦𑄢𑄬𑄬𑄠𑄳𑄅𑄧𑄚𑄴 𑄥𑄨𑄉𑄪𑄚𑄴 𑄊𑄧𑄢𑄴 𑄥𑄧𑄁 𑄣𑄪𑄋𑄳𑄅𑄧 𑄝𑄧𑄣𑄝𑄧𑄣𑄴 𑄘𑄮𑄚𑄴 𑄖𑄢𑄳𑄦 𑄃𑄪𑄘𑄨𑄏𑄬𑄬 𑄈𑄪𑄎𑄨 𑄎𑄚𑄬𑄬𑄠𑄳𑄦𑄬𑄬 𑅁 𑄈𑄪𑄎𑄨 𑄎𑄚𑄬𑄬𑄠𑄬𑄬 𑄃𑄢𑄳𑄦𑄧 𑄣𑄪𑄁𑄣𑄬𑄬𑄭 𑄃𑄬𑄟𑄬𑄚𑄬𑄝𑄧 𑄘𑄧𑄣𑄧𑄢𑄴 𑄇𑄎𑄢𑄨 𑄥𑄝𑄋𑄨𑄃𑄪𑄚𑄳𑄅𑄧𑄢𑄳𑄦𑄬 𑄎𑄢𑄳𑄦 𑄥𑄧𑄣𑄧𑄋𑄚𑄨 𑄃𑄭𑄎𑄧𑄣𑄧𑄖𑄳𑄦𑄴𑄪𑄚𑄴 𑄇𑄧𑄟𑄧𑄣𑄚𑄧𑄉𑄧𑄢𑄴 𑄥𑄧𑄁 𑄝𑄢𑄳𑄦𑄳𑄆𑄬𑄬 𑄘𑄬𑄬 𑄃𑄬𑄖𑄳𑄦𑄴𑄧𑄚𑄴𑄙𑄬 𑄟𑄚𑄪𑄌𑄳𑄦𑄴𑄪𑄚𑄳𑄅𑄧𑄢𑄳𑄦𑄬 𑄝𑄌𑄳𑄠𑄴𑄳𑄦𑄬𑄬𑄠𑄴 𑄢𑄳𑄅𑄧𑄠𑄳𑄅𑄧𑄚𑄴 𑅁

𑄘𑄁𑄊𑄪 𑄘𑄨𑄉𑄧𑄟𑄴𑄝𑄧𑄢𑄴 𑄌𑄇𑄴𑄟𑄳𑄦, 𑄥𑄬𑄇𑄳𑄢𑄴𑄬𑄖𑄢𑄨, 𑄌𑄨𑄃𑄬𑄘𑄨𑄌𑄨 𑄥𑄬𑄇𑄳𑄢𑄬𑄖𑄢𑄨𑄠𑄬𑄬𑄖𑄴 𑄃𑄪𑄘𑄨𑄚𑄴 𑄦𑄳𑄅𑄧𑄠𑄬𑄬 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦𑄢𑄴 𑄃𑄳𑄃 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦𑄢𑄴 𑄎𑄨𑄁𑄇𑄚𑄨 𑄇𑄧𑄙 𑄝𑄙𑄨𑄟𑄪𑄙𑄨 𑄉𑄳𑄅𑄧𑄢𑄳𑄦𑄨 𑄇𑄳𑄄 𑄥𑄪𑄚𑄬𑄬𑄠𑄳𑄦𑄬𑄬 𑅁 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦 𑄌𑄨𑄃𑄬𑄘𑄨𑄌𑄨𑄖𑄴 𑄃𑄬𑄌𑄴𑄃𑄬𑄌𑄴 𑄛𑄳𑄅𑄧𑄢𑄐𑄳𑄠𑄴𑄳𑄦𑄬𑄬 𑄇𑄖𑄴 𑄦𑄨𑄎𑄬𑄝𑄬 𑄇𑄟𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄬 𑄦𑄧𑄣𑄧𑄘𑄬 𑄦𑄎𑄥𑄳𑄅𑄧𑄢𑄢𑄴 𑄃𑄉𑄳𑄅𑄧𑄢𑄨 𑄃𑄬𑄟𑄴𑄘𑄨𑄌𑄨 𑄘𑄁𑄊𑄪 𑄥𑄧𑄟𑄢𑄖𑄴 𑄥𑄪𑄢𑄴 𑄌𑄇𑄴𑄟𑄳𑄦𑄢𑄴 𑄝𑄨𑄎𑄳𑄅𑄧𑄢𑄴 𑄟𑄧𑄢𑄧𑄖𑄴 𑄛𑄳𑄅𑄧𑄞𑄮 𑅁 𑄖 𑄝𑄝𑄬 𑄖𑄢𑄢𑄳𑄦𑄬 𑄜𑄬𑄬𑄣𑄳𑄆𑄬𑄬 𑄎𑄚𑄢𑄴 𑄎𑄬𑄢𑄬𑄙𑄨 𑄖𑄬 𑄢𑄎𑄧𑄚𑄨𑄖𑄨𑄖𑄴 𑄇𑄟𑄴𑄮 𑄉𑄳𑄅𑄧𑄢𑄳𑄦𑄨 𑄣𑄟𑄨 𑄃𑄬𑄟𑄴𑄘𑄨𑄌𑄨𑄖𑄴 𑄎𑄨𑄖𑄳𑄠𑄴𑄳𑄦𑄬𑄬 𑅁
𑄖𑄬 𑄌𑄨𑄃𑄬𑄘𑄨𑄌𑄨 𑄘𑄨𑄛𑄪𑄖𑄨 𑄌𑄬𑄦𑄢𑄴𑄟𑄬𑄚𑄴, 𑄃𑄨𑄃𑄬𑄟𑄴, 𑄃𑄬𑄖𑄴𑄞𑄭𑄎𑄢𑄴 𑄖𑄪 𑄛𑄳𑄣𑄚𑄨𑄁 𑄃𑄬𑄚𑄴 𑄘𑄬𑄝𑄬𑄣𑄧𑄛𑄴𑄟𑄬𑄚𑄴𑄖𑄴 𑄇𑄳𑄅𑄧𑄟𑄨𑄖𑄨 𑄃𑄳𑄃 𑄃𑄬𑄖𑄴𑄞𑄭𑄎𑄢𑄴 𑄖𑄪 𑄌𑄨𑄃𑄨𑄃𑄬𑄟𑄴 𑄛𑄧𑄘𑄧𑄝𑄨𑄉𑄚𑄩 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄬 𑄖 𑄊𑄳𑄅𑄧𑄢𑄳𑄅𑄧𑄚𑄨 𑄘𑄁𑄊𑄪𑄝𑄨 𑄥𑄪𑄚𑄨𑄖 𑄌𑄇𑄴𑄟𑄳𑄦 𑄃𑄳𑄃 𑄖𑄢𑄴 𑄖𑄨𑄚𑄳𑄦𑄴𑄮 𑄏𑄨 𑄌𑄨𑄖𑄴𑄨 𑄛𑄢𑄨𑄖 (𑄷𑄻 𑄝𑄧𑄏𑄧𑄢𑄴), 𑄌𑄨𑄖𑄴𑄨 𑄝𑄳𑄅𑄧𑄞𑄨𑄖 (𑄷𑄹 𑄝𑄧𑄏𑄧𑄢𑄴) 𑄃𑄳𑄃 𑄌𑄨𑄖𑄴𑄨 𑄥𑄪𑄎𑄪𑄉𑄨 𑄘𑄊𑄨𑄢𑄬 𑄜𑄬𑄬𑄣𑄳𑄆𑄬𑄬 𑄎𑄬𑄬𑄠𑄳𑄦𑄬𑄬 𑅁 𑄖 𑄝𑄳𑄅𑄧𑄠𑄳𑄅𑄧𑄌𑄴 𑄦𑄧𑄣𑄧𑄘𑄬 𑄺𑄷 𑄝𑄧𑄏𑄧𑄢𑄴 𑅁

𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦 𑄥𑄬𑄬 𑄃𑄉𑄬 𑄃𑄢𑄴𑄖𑄴 𑄃𑄬𑄚𑄴 𑄇𑄣𑄴𑄥𑄢𑄴 𑄃𑄢𑄴𑄖𑄨𑄌𑄴𑄖𑄴 𑄦𑄨𑄎𑄬𑄝𑄬 𑄇𑄟𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖 𑄇𑄇𑄴𑄇 𑄃𑄉𑄳𑄅𑄧𑄢𑄨 𑄃𑄬𑄟𑄴𑄘𑄨𑄌𑄨 𑄘𑄁𑄊𑄪 𑄛𑄳𑄢𑄧𑄚𑄧𑄛𑄴 𑄇𑄪𑄟𑄢𑄴 𑄌𑄇𑄴𑄟𑄳𑄦 𑄃𑄪𑄘𑄨𑄚𑄴 𑄦𑄧𑄚𑄢𑄴 𑄎𑄬𑄢𑄬 𑄖𑄬 𑄼 𑄖𑄢𑄩𑄇𑄴 𑄎𑄪𑄚𑄴 𑄟𑄳𑄦𑄌𑄴 𑄸𑄶𑄷𑄿-𑄎𑄧𑄢𑄴 𑄞𑄭-𑄃𑄨𑄣𑄬𑄇𑄴𑄥𑄧𑄚𑄧𑄖𑄴 𑄘𑄢𑄬𑄬𑄚𑄳𑄆𑄬𑄬 𑄎𑄨𑄖𑄳𑄠𑄴𑄳𑄦𑄬𑄬 𑅁 𑄖𑄬 𑄘𑄨𑄛𑄪𑄖𑄨 𑄥𑄨𑄛𑄴 𑄈𑄪𑄦𑄨𑄛𑄴 𑄃𑄧𑄛𑄴 𑄌𑄨𑄃𑄬𑄘𑄨𑄌𑄨, 𑄃𑄨𑄃𑄬𑄟𑄴 𑄃𑄳𑄃 𑄃𑄬𑅄𑄧 𑄛𑄳𑄣𑄚𑄨𑄁 𑄃𑄬𑄚𑄴 𑄘𑄬𑄝𑄬𑄣𑄧𑄛𑄴𑄟𑄬𑄖𑄴 𑄇𑄳𑄅𑄧𑄟𑄨𑄖𑄨𑄢𑄴 𑄃𑄬𑄖𑄴𑄞𑄭𑄎𑄢𑄴 𑅁 𑄖𑄬𑄠𑄳𑄦𑄮 𑄖 𑄊𑄳𑄅𑄧𑄢𑄳𑄅𑄧𑄚𑄨 𑄘𑄁𑄊𑄪𑄝𑄨 𑄇𑄳𑄅𑄧𑄝𑄨𑄚 𑄌𑄇𑄴𑄟𑄳𑄦 𑄃𑄳𑄃 𑄖𑄨𑄚𑄳𑄦𑄴𑄮 𑄏𑄨 𑄌𑄨𑄖𑄴𑄨 𑄛𑄧𑄖𑄴𑄧𑄟𑄩 𑄌𑄇𑄴𑄟𑄳𑄦 (𑄷𑄻 𑄝𑄧𑄏𑄧𑄢𑄴), 𑄌𑄨𑄖𑄴𑄨 𑄥𑄳𑄅𑄧𑄢𑄴𑄥𑄳𑄅𑄧𑄢𑄨 𑄌𑄇𑄴𑄟𑄳𑄦 (𑄝𑄢𑄳𑄦𑄧 𑄝𑄧𑄏𑄧𑄢𑄴) 𑄃𑄳𑄃 𑄌𑄨𑄖𑄴𑄨 𑄢𑄳𑄅𑄧𑄥𑄨𑄦𑄟𑄨 𑄌𑄇𑄴𑄟𑄳𑄦 (𑄺 𑄝𑄧𑄏𑄧𑄢𑄴) 𑄹𑄾 𑄝𑄧𑄏𑄧𑄢𑄴 𑄝𑄧𑄏𑄧𑄖𑄴 𑄜𑄬𑄬𑄣𑄳𑄆𑄬𑄬 𑄎𑄬𑄬𑄠𑄳𑄦𑄬𑄬 𑅁

𑄘𑄁𑄊𑄪 𑄥𑄧𑄘𑄚𑄧𑄚𑄴 𑄌𑄇𑄴𑄟𑄳𑄦, 𑄘𑄨𑄖𑄨𑄃𑄮, 𑄌𑄨𑄃𑄬𑄘𑄨𑄌𑄨 𑄃𑄳𑄃 𑄃𑄮𑄃𑄬𑄌𑄴𑄘𑄨 𑄖𑄪 𑄇𑄬𑄃𑄢𑄴𑄖𑄬𑄇𑄢𑄴, 𑄌𑄨𑄃𑄬𑄘𑄨𑄌𑄨 𑄖𑄬 𑄟𑄭𑄚𑄳𑄅𑄧𑄢𑄨𑄖𑄨 𑄃𑄬𑄜𑄬𑄃𑄢𑄴𑄌𑄴 𑄟𑄨𑄚𑄨𑄌𑄴𑄖𑄢𑄴 𑄘𑄁𑄊𑄪 𑄘𑄨. 𑄣𑄣𑄴𑄎𑄩𑄢𑄴𑄣𑄨𑄃𑄚, 𑄉𑄧𑄞𑄢𑄴𑄟𑄬𑄚𑄴𑄖𑄴 𑄃𑄧𑄛𑄴 𑄟𑄨𑄏𑄮𑄢𑄟𑄴 𑄃𑄳𑄃 𑄘𑄧𑄇𑄴𑄖𑄧𑄢𑄴 𑄣𑄣𑄴𑄢𑄮𑄏𑄟, 𑄥𑄬𑄇𑄳𑄢𑄴𑄬𑄖𑄢𑄨, 𑄘𑄨𑄌𑄴𑄖𑄳𑄢𑄨𑄇𑄴 𑄇𑄃𑄪𑄚𑄴𑄥𑄨𑄣𑄴 𑄃𑄬𑄚𑄴 𑄟𑄭𑄚𑄳𑄅𑄧𑄢𑄨𑄖𑄨 𑄃𑄬𑄜𑄬𑄃𑄢𑄴𑄌𑄴, 𑄉𑄧𑄞𑄢𑄴𑄟𑄬𑄚𑄴𑄖𑄴 𑄃𑄧𑄛𑄴 𑄟𑄨𑄏𑄮𑄢𑄟𑄴 𑄖𑄧𑄛𑄳𑄦𑄴𑄬 𑄦𑄳𑄅𑄧𑄚𑄳𑄆𑄬𑄬 𑄃𑄳𑄃 𑄥𑄬𑄬 𑄣𑄧𑄊𑄬 𑄚𑄚𑄚𑄴 𑄃𑄬𑄚𑄴𑄎𑄨𑄃𑄮, 𑄇𑄎𑄢𑄨𑄖𑄳𑄦𑄴𑄪𑄚𑄴 𑄃𑄳𑄃 𑄝𑄨𑄘𑄬𑄬𑄚𑄴 𑄥𑄣𑄧𑄖𑄳𑄦𑄴𑄪𑄚𑄴 𑄜𑄪𑄣𑄳𑄅𑄧𑄖𑄧𑄢 𑄟𑄚𑄴 𑄘𑄨𑄚𑄳𑄆𑄬𑄬 𑄝𑄨𑄘𑄳𑄆𑄬𑄬 𑄘𑄮𑄚𑄴 𑅁

𑄟𑄨𑄏𑄮𑄢𑄟𑄧𑄢𑄴 𑄛𑄳𑄆𑄚𑄋𑄨 𑄢𑄌𑄴𑄥𑄛𑄴 𑄘𑄁𑄊𑄪 𑄘𑄧𑄇𑄴𑄖𑄧𑄢𑄴 𑄦𑄳𑄅𑄧𑄢𑄨 𑄝𑄝𑄪 𑄇𑄟𑄴𑄞𑄛𑄖𑄨 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦𑄢𑄴 𑄃𑄳𑄃 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄋𑄳𑄅𑄧𑄢𑄴 𑄊𑄳𑄅𑄧𑄢𑄳𑄅𑄧𑄚𑄨 𑄘𑄊𑄨𑄢𑄬 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄣𑄧𑄊𑄬 𑄌𑄨𑄃𑄮 𑄇𑄧𑄙 𑄛𑄢𑄴𑄏𑄢𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄥𑄬𑄬 𑄝𑄨𑄢𑄪𑄇𑄴𑄝𑄢𑄇𑄴 𑄈𑄧𑄝𑄧𑄢𑄚𑄴 𑄥𑄪𑄚𑄨𑄚𑄳𑄆𑄬𑄬 𑄖𑄬𑄠𑄳𑄦𑄮 𑄞𑄧𑄎𑄚𑄴 𑄟𑄧𑄚𑄧𑄢𑄴 𑄘𑄪𑄊𑄳𑄅𑄧𑄖𑄴 𑄛𑄳𑄅𑄧𑄌𑄳𑄠𑄴𑄳𑄦𑄬𑄬, 𑄖𑄳𑄅𑄧𑄝𑄪𑄠𑄳𑄅𑄧 𑄖𑄬 𑄉𑄳𑄅𑄧𑄎𑄬𑄬𑄚𑄧𑄖𑄳𑄦𑄴𑄪𑄚𑄴 𑄖𑄧𑄝𑄧𑄚 𑄉𑄳𑄅𑄧𑄢𑄳𑄦𑄨 𑄘𑄬𑄬 𑄃𑄳𑄃 𑄟𑄧𑄚𑄴 𑄘𑄧𑄢𑄳𑄦𑄧 𑄉𑄳𑄅𑄧𑄢𑄳𑄦𑄨 𑄗𑄬𑄝𑄖𑄳𑄆𑄴𑄬𑄬 𑄇𑄳𑄅𑄧𑄎𑄳𑄅𑄧𑅄𑄨 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁

𑄘𑄧𑄇𑄴𑄖𑄧𑄢𑄴 𑄣𑄣𑄴𑄢𑄮𑄏𑄟, 𑄥𑄬𑄇𑄳𑄢𑄴𑄬𑄖𑄢𑄨, 𑄘𑄨𑄌𑄴𑄖𑄳𑄢𑄨𑄇𑄴 𑄇𑄃𑄪𑄚𑄴𑄥𑄨𑄣𑄴 𑄃𑄬𑄚𑄴 𑄟𑄭𑄚𑄳𑄅𑄧𑄢𑄨𑄖𑄨 𑄃𑄬𑄜𑄬𑄃𑄢𑄴𑄌𑄴, 𑄉𑄧𑄞𑄢𑄴𑄟𑄬𑄚𑄴𑄖𑄴 𑄃𑄧𑄛𑄴 𑄟𑄨𑄏𑄮𑄢𑄟𑄴 𑄖𑄬𑄠𑄳𑄦𑄮 𑄖𑄢𑄳𑄦 𑄊𑄳𑄅𑄧𑄢𑄳𑄅𑄧𑄚𑄨 𑄘𑄊𑄨𑄢𑄳𑄦𑄬 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄣𑄧𑄊𑄬 𑄖𑄧𑄝𑄧𑄚 𑄛𑄙𑄬𑄬𑄠𑄬𑄬 𑅁 𑄖𑄬 𑄖𑄢𑅄𑄳𑄆 𑄇𑄧𑄟𑄴 𑄥𑄧𑄟𑄧𑄠𑄳𑄅𑄧𑄖𑄴 𑄇𑄟𑄴 𑄉𑄳𑄅𑄧𑄢𑄳𑄦𑄨 𑄛𑄬𑄬𑄚𑄳𑄆𑄬𑄬 𑄝𑄢𑄳𑄦𑄨 𑄚𑄇𑄴 𑄃𑄧𑄎𑄧𑄣𑄴 𑄦𑄳𑄅𑄧𑄠𑄬𑄬 𑄇𑄳𑄅𑄧𑄠𑄳𑄦𑄬𑄬 𑅁

𑄘𑄁𑄊𑄪 𑄞𑄨. 𑄎𑄩𑄢 𑄥𑄋, 𑄟𑄚𑄨, 𑄌𑄨𑄃𑄨𑄃𑄬𑄟𑄴, 𑄃𑄬𑄣𑄬𑄘𑄨𑄌𑄨, 𑄖𑄬𑄠𑄳𑄦𑄮 𑄦𑄝𑄨𑄣𑄬𑄌𑄴 𑄝𑄖𑄴𑄖 𑄣𑄧𑄊𑄬 𑄖𑄧𑄝𑄧𑄚 𑄘𑄨 𑄛𑄘𑄬𑄬𑄠𑄳𑄦𑄬𑄬 𑅁 𑄖𑄣𑄧𑄊𑄬 𑄖𑄢𑄴 𑄥𑄳𑄅𑄧𑄟𑄌𑄳𑄠𑄴𑄬𑄬𑄣𑄧𑄉𑄬𑄠𑄳𑄅𑄧 𑄘𑄨 𑄛𑄘𑄬𑄬𑄠𑄳𑄦𑄮𑄚𑄴 𑅁 𑄖𑄬 𑄝𑄬𑄇𑄴 𑄥𑄧𑄁𑄥𑄳𑄅𑄧𑄟𑄌𑄳𑄠𑄴𑄬𑄬 𑄃𑄳𑄃 𑄌𑄇𑄴𑄟𑄳𑄦 𑄞𑄳𑄆𑄬𑄬𑄝𑄳𑄅𑄧𑄚𑄪𑄚𑄴𑄘𑄳𑄆 𑄘𑄪𑄇𑄴𑄥𑄪𑄇𑄴 𑄛𑄢𑄴𑄏𑄢𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄘𑄨 𑄎𑄧𑄚𑄴 𑄦𑄢𑄚𑄭 𑄌𑄨𑄃𑄬𑄘𑄨𑄌𑄨𑄠𑄬𑄬 𑄊𑄬𑄬𑄌𑄳𑄠𑄴𑄬𑄬 𑄘𑄨𑄞𑄬𑄬 𑄘𑄧𑄢𑄳𑄦𑄧 𑄟𑄙𑄝𑄧𑄣 𑄟𑄪𑄢𑄪𑄇𑄴𑄝𑄨 𑄦𑄢𑄬𑄬𑄠𑄳𑄅𑄧𑄚𑄴 𑄉𑄳𑄅𑄧𑄢𑄳𑄦𑄨 𑄇𑄳𑄅𑄧𑄠𑄳𑄅𑄧𑄚𑄴 𑅁

𑄘𑄁𑄊𑄪 𑄃𑄟𑄧𑄣𑄴 𑄥𑄳𑄢𑄨𑄝𑄌𑄴𑄖𑄧𑄛𑄴, 𑄃𑄭𑄃𑄬𑄃𑄬𑄌𑄴, 𑄘𑄨𑄌𑄨 𑄣𑄧𑄁𑄖𑄳𑄣𑄭 𑄃𑄳𑄃 𑄇𑄬𑄃𑄢𑄴𑄖𑄬𑄇𑄢𑄴 𑄷𑄶-𑄌𑄨𑄃𑄬𑄘𑄨𑄌𑄨, 𑄖𑄬𑄠𑄳𑄦𑄮 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄣𑄧𑄊𑄬 𑄖𑄧𑄝𑄧𑄚 𑄘𑄨 𑄛𑄘𑄬𑄬𑄠𑄳𑄦𑄬𑄬 𑅁

𑄘𑄁𑄊𑄪 𑄝𑄪𑄖𑄴𑄙𑄮 𑄣𑄨𑄣, 𑄃𑄬𑄟𑄴𑄘𑄨𑄌𑄨 𑄖𑄬𑄠𑄳𑄅𑄧 𑄝𑄨𑄘𑄨 𑄎𑄬𑄬𑄠𑄬𑄬 𑄃𑄬𑄟𑄴𑄘𑄨𑄌𑄨𑄉𑄪𑄚𑄮 𑄇𑄧𑄙 𑄇𑄳𑄅𑄧𑄠𑄬𑄬 𑄃𑄳𑄃 𑄖𑄢𑄳𑄦𑄢𑄴 𑄝𑄬𑄬𑄃𑄧𑄇𑄴𑄖𑄧 𑄛𑄧𑄢𑄚𑄴 𑄦𑄢𑄚𑄊𑄚𑄴 𑄌𑄨𑄖𑄴 𑄛𑄧𑄢 𑄈𑄬𑄬𑄠𑄬𑄬 𑄃𑄳𑄃 𑄖𑄢𑄳𑄦 𑄊𑄳𑄅𑄧𑄢𑄴𑄝𑄳𑄅𑄧𑄃𑄪𑄚𑄴𑄘𑄳𑄆 𑄘𑄪𑄇𑄴𑄥𑄪𑄇𑄴 𑄛𑄢𑄴𑄏𑄢𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁

𑄘𑄁𑄊𑄪 𑄘𑄪𑄢𑄴𑄎𑄮 𑄙𑄧𑄚𑄴 𑄌𑄇𑄴𑄟𑄳𑄦, 𑄃𑄬𑄟𑄴𑄘𑄨𑄌𑄨 𑄖𑄬𑄠𑄳𑄦𑄮 𑄝𑄬𑄇𑄴 𑄃𑄬𑄟𑄴𑄘𑄨𑄌𑄨𑄉𑄪𑄚𑄮 𑄖𑄧𑄛𑄴𑄬𑄖𑄳𑄦𑄴𑄪𑄚𑄴 𑄦𑄝𑄨𑄣𑄬𑄬𑄌𑄴 𑄈𑄳𑄆𑄬𑄬 𑄈𑄳𑄆𑄬𑄬 𑄖𑄢𑄳𑄦𑄢𑄴 𑄟𑄚𑄴𑄎𑄮𑅄𑄳𑄆 𑄟𑄨𑄣𑄳𑄅𑄧𑄚𑄴 𑄥𑄨𑄣𑄳𑄅𑄧𑄚𑄴 𑄃𑄳𑄃 𑄦𑄎𑄧𑄚𑄴𑄟𑄘𑄧𑄚𑄧 𑄇𑄧𑄙 𑄖𑄪𑄣𑄳𑄠𑄴𑄳𑄦𑄬𑄬 𑅁 𑄖𑄢𑄳𑄦 𑄣𑄪𑄉𑄨 𑄎𑄚𑄭 𑄝𑄬𑄇𑄴𑄪𑄚𑄮𑄢𑄴 𑄊𑄧𑄝 𑄦𑄳𑄅𑄧𑄠𑄬𑄬 𑄉𑄳𑄅𑄧𑄢𑄳𑄦𑄨 𑄇𑄳𑄃𑄮𑄠𑄬𑄬 𑅁

𑄘𑄁𑄊𑄪 𑄚𑄨𑄦𑄢𑄴 𑄇𑄚𑄴𑄖𑄨 𑄌𑄇𑄴𑄟𑄳𑄦, 𑄃𑄬𑄟𑄬𑄣𑄬, 𑄟𑄨𑄏𑄮𑄢𑄟𑄴 𑄖𑄬𑄠𑄳𑄅𑄧 𑄖𑄢𑄳𑄦𑄢𑄴 𑄝𑄬𑄬𑄃𑄧𑄇𑄴𑄗𑄧 𑄉𑄳𑄅𑄧𑄢𑄳𑄦𑄨 𑄥𑄧𑄣𑄧𑄋𑄴 𑄝𑄧𑄘𑄧𑄣𑄚𑄊𑄚𑄴 𑄞𑄧𑄎𑄚𑄴 𑄌𑄨𑄖𑄴𑄛𑄧𑄢 𑄈𑄳𑄆𑄬𑄬 𑄘𑄬𑄬 𑅁

𑄖𑄢𑄳𑄦 𑄣𑄧𑄊𑄬 𑄚𑄚𑄚𑄴 𑄢𑄎𑄧𑄚𑄨𑄖𑄨𑄢𑄴 𑄘𑄧𑄣𑄬, 𑄃𑄬𑄚𑄴𑄎𑄨𑄃𑄮 𑄃𑄳𑄃 𑄊𑄧𑄢𑄧 𑄟𑄚𑄴𑄏𑄬𑄬 𑄖𑄢𑄳𑄦 𑄃𑄪𑄘𑄨𑄏𑄬𑄬 𑄦𑄝𑄨𑄣𑄬𑄬𑄌𑄴 𑄈𑄳𑄆𑄬𑄬 𑄘𑄮𑄚𑄴 𑄃𑄳𑄃 𑄖𑄢𑄳𑄦 𑄎𑄨𑄙𑄪 𑄎𑄬𑄘𑄇𑄴 𑄥𑄖𑄴 𑄉𑄧𑄟𑄴 𑄇𑄪𑄣𑄮𑄖𑄴 𑄎𑄧𑄚𑄧𑄟𑄴 𑄣𑄧𑄚𑄴𑄘𑄳𑄆 𑄛𑄢𑄳𑄦
𑄖𑄧𑄝𑄧𑄚 𑄉𑄳𑄅𑄧𑄢𑄳𑄦𑄨 𑄘𑄮𑄚𑄴 𑅁

𑄥𑄬𑄎𑄬𑄚𑄴𑄘𑄨, 𑄖𑄢𑄳𑄦 𑄊𑄳𑄅𑄧𑄢𑄴𑄝𑄮 𑄣𑄧𑄊𑄬 𑄝𑄳𑄃𑄬𑄇𑄴 𑄃𑄬𑄟𑄴𑄘𑄨𑄌𑄨𑄃𑄪𑄚𑄬𑄬, 𑄢𑄎𑄧𑄚𑄨𑄖𑄨 𑄘𑄧𑄣𑄧 𑄟𑄚𑄴𑄏𑄬𑄬, 𑄚𑄚𑄚𑄴 𑄃𑄬𑄚𑄴𑄎𑄨𑄃𑄮 𑄃𑄳𑄃𑄇𑄎𑄢𑄨 𑄟𑄚𑄴𑄏𑄬𑄬 𑄚𑄨𑄎𑄬𑄬𑄚𑄨 𑄃𑄢𑄪𑄇𑄴 𑄖𑄪𑅄𑄨 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄃𑄳𑄃 𑄝𑄧𑄖𑄴𑄖 𑄟𑄉𑄳𑄅𑄧𑄚𑄩 𑄈𑄧𑄣𑄝𑄮 𑄙𑄪𑄎𑄳𑄆𑄬𑄬 𑄘𑄬𑄬 𑄦𑄳𑄅𑄧𑄠𑄬𑄬 𑅁

𑄃𑄭𑄎𑄧𑄣𑄴  𑄃 𑄇𑄧𑄟𑄧𑄣𑄚𑄧𑄉𑄧𑄢𑄴, 𑄷𑄼 𑄎𑄚𑄪𑄃𑄢𑄨, 𑄸𑄶𑄸𑄹: 𑄃𑄬𑄬𑄌𑄳𑄠𑄴𑄬𑄬 𑄝𑄬𑄬𑄐𑄳𑄠𑄴𑄳𑄦𑄬𑄬 𑄖𑄨𑄚𑄴 𑄎𑄧𑄚𑄴 𑄃𑄬𑄟𑄴𑄘𑄨𑄌𑄨𑄠𑄬𑄬 𑄉𑄢𑄩 𑄘𑄧𑄏
𑄣𑄳𑄃𑄇𑄴 𑄛𑄬𑄬𑄠𑄳𑄅𑄧𑄚𑄴 𑅁 𑄥𑄨𑄊𑄪𑄚𑄴 𑄦𑄧𑄣𑄇𑄳𑄦𑄴𑄬 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦, 𑄃𑄬𑄟𑄴𑄘𑄨𑄌𑄨, 𑄷𑄷-𑄦𑄎𑄥𑄳𑄅𑄧𑄢 𑄃𑄬𑄟𑄴𑄘𑄨𑄌𑄨 𑄇𑄧𑄚𑄴𑄌𑄴𑄖𑄨𑄗𑄪𑄃𑄬𑄚𑄴𑄌𑄨; 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦, 𑄃𑄬𑄟𑄴𑄘𑄨𑄌𑄨, 𑄿-𑄃𑄪𑄉𑄪𑄙𑄳𑄅𑄧𑄥𑄪𑄢𑄨 𑄥𑄦𑄳𑄅𑄧𑄖𑄴 𑄃𑄬𑄟𑄴𑄘𑄨𑄌𑄨 𑄇𑄧𑄚𑄴𑄌𑄴𑄖𑄨𑄗𑄪𑄃𑄬𑄚𑄴𑄥𑄨 𑄃𑄳𑄃 𑄘𑄁𑄊𑄪
𑄣𑄧𑄇𑄳𑄦𑄴𑄧𑄚𑄴 𑄌𑄇𑄴𑄟𑄳𑄦, 𑄃𑄬𑄟𑄴𑄘𑄨𑄌𑄨, 𑄷𑄽-𑄎𑄢𑄪𑄣𑄴𑄘𑄪𑄝𑄳𑄅𑄧𑄥𑄳𑄅𑄧𑄢 𑄃𑄬𑄟𑄴𑄘𑄨𑄌𑄨 𑄇𑄧𑄚𑄴𑄌𑄴𑄖𑄨𑄗𑄪𑄃𑄬𑄚𑄴𑄥𑄨 𑅁

𑄖𑄢𑄳𑄦 𑄣𑄧𑄊𑄬 𑄃𑄬𑅄𑄧 𑄝𑄳𑄅𑄧𑄢𑄳𑄄𑄗𑄪𑄣𑄨𑄖𑄳𑄦𑄴𑄪𑄚𑄴 𑄘𑄁𑄊𑄪 𑄝𑄧𑄚𑄧 𑄌𑄧𑄚𑄴𑄘𑄳𑄢𑄧 𑄖𑄧𑄁𑄌𑄧𑄁𑄋𑄳𑄠𑄴𑄬𑄬 𑄃𑄳𑄃 𑄎𑄢𑄪𑄣𑄴𑄘𑄪𑄝𑄳𑄅𑄧𑄥𑄳𑄅𑄧𑄢𑄖𑄳𑄦𑄴𑄪𑄚𑄴 𑄘𑄁𑄊𑄪 𑄘𑄨𑄣𑄨𑄛𑄴 𑄌𑄇𑄴𑄟𑄳𑄦 𑅁

𑄖𑄢𑄳𑄦 𑄣𑄧𑄊𑄬 𑄃𑄬𑅄𑄧 𑄝𑄳𑄅𑄧𑄢𑄳𑄄𑄗𑄪𑄣𑄨𑄖𑄳𑄦𑄴𑄪𑄚𑄴 𑄘𑄁𑄊𑄪 𑄝𑄧𑄚𑄧 𑄌𑄧𑄚𑄴𑄘𑄳𑄢𑄧 𑄖𑄧𑄁𑄌𑄧𑄁𑄋𑄳𑄠𑄴𑄬𑄬 𑄃𑄳𑄃𑄘𑄨𑄣𑄨𑄛𑄴 𑄌𑄇𑄴𑄟𑄳𑄦 𑄎𑄢𑄪𑄣𑄴𑄘𑄪𑄝𑄳𑄅𑄧𑄥𑄳𑄅𑄧𑄢𑄖𑄳𑄦𑄴𑄪𑄚𑄴 𑅁

𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴, 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄃𑄳𑄃 𑄝𑄳𑄅𑄧𑄢𑄳𑄄𑄗𑄪𑄣𑄨𑄖𑄳𑄦𑄴𑄪𑄚𑄴 𑄘𑄁𑄊𑄪 𑄝𑄧𑄚𑄧 𑄌𑄧𑄚𑄴𑄘𑄳𑄢𑄧 𑄌𑄇𑄴𑄟𑄳𑄦 𑄎𑄉𑄖𑄴 𑄛𑄧𑄢𑄚𑄴 𑄦𑄢𑄬𑄬𑄠𑄳𑄅𑄧𑄚𑄴 𑄃𑄳𑄃 𑄘𑄁𑄊𑄪 𑄣𑄧𑄇𑄳𑄦𑄴𑄧𑄚𑄴 𑄌𑄇𑄴𑄟𑄳𑄦 𑄃𑄳𑄃 𑄘𑄁𑄊𑄪 𑄘𑄨𑄣𑄨𑄛𑄴 𑄌𑄇𑄴𑄟𑄳𑄦 𑄃𑄬𑄇𑄴𑄇 𑄘𑄪𑄇𑄴 𑄛𑄬𑄬𑄠𑄳𑄅𑄧𑄚𑄴 𑄟𑄖𑄴𑄧𑄢𑄴 𑄖𑄢𑄢𑄳𑄦𑄬 𑄣𑄧𑄉𑄧𑄖𑄴 𑄖𑄧𑄉𑄧𑄖𑄴 𑄃𑄭𑄎𑄧𑄣𑄧 𑄖𑄳𑄢𑄨𑄚𑄨𑄖𑄨 𑄛𑄨𑄢𑄬𑄬𑄣𑄳𑄠𑄴𑄬𑄬 𑄥𑄣𑄧𑄖𑄴 𑄞𑄳𑄅𑄧𑄖𑄴𑄨 𑄉𑄳𑄅𑄧𑄌𑄳𑄦𑄴𑄮𑄚𑄴𑄘𑄳𑄆 𑅁

𑄘𑄧𑄏𑄊𑄚𑄴 𑄝𑄬𑄬𑄐𑄳𑄠𑄴𑄳𑄦𑄬𑄬 𑄺:𑄹𑄶 𑄃𑄧𑄇𑄴𑄗𑄧𑄖𑄴 𑄃𑄭𑄎𑄧𑄣𑄧 𑄇𑄳𑄃𑄭 𑄟𑄬𑄣𑄴𑄗𑄪𑄟𑄴 𑄃𑄘𑄟𑄧𑄖𑄴 𑄦𑄳𑄅𑄧𑄠𑄬𑄬 𑅁 𑄖𑄢𑄳𑄦 𑄃𑄭𑄎𑄧𑄣𑄴 𑄟𑄳𑄅𑄧𑄇𑄳𑄠𑄴𑄳𑄦𑄬𑄬 𑄇𑄎𑄢𑄨 𑄇𑄟𑄬 𑄎𑄘𑄬 𑄎𑄨𑄛𑄴𑄥𑄨𑄖𑄴 𑄉𑄳𑄅𑄧𑄢𑄳𑄦𑄨 𑄃𑄬𑅄𑄇𑄴 𑅁 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦 𑄃𑄳𑄃 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦 𑄃𑄬𑄟𑄬𑄚𑄬𑄝𑄧𑄢𑄴 𑄃𑄨𑄣𑄬𑄇𑄴𑄥𑄧𑄚𑄧𑄖𑄴 𑄎𑄨𑄖𑄳𑄠𑄴𑄬𑄬 𑄃𑄬𑄟𑄴𑄘𑄨𑄌𑄨 𑅁 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄬 𑄉𑄬𑄣𑄴𑄬 𑄸𑄶𑄷𑄾-𑄢𑄴 𑄌𑄨𑄃𑄬𑄘𑄨𑄌𑄃𑄨 𑄎𑄬𑄚𑄬𑄢𑄬𑄣𑄴 𑄃𑄨𑄣𑄬𑄇𑄴𑄥𑄧𑄚𑄧𑄖𑄴 𑄎𑄨𑄖𑄳𑄠𑄴𑄬𑄬 𑄃𑄬𑄟𑄴𑄘𑄨𑄌𑄨 𑄃𑄳𑄃 𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄋𑄬𑄬 𑄿-𑄃𑄪𑄉𑄪𑄘𑄳𑄅𑄧𑄥𑄪𑄢𑄨 𑄞𑄭-𑄃𑄨𑄣𑄬𑄇𑄴𑄥𑄧𑄚𑄧𑄖𑄴 𑄎𑄨𑄖𑄳𑄠𑄴𑄬𑄬 𑄃𑄬𑄟𑄴𑄘𑄨𑄌𑄨 𑅁 𑄖𑄢𑄳𑄦 𑄘𑄮 𑄎𑄧𑄚𑄧𑄢𑄴 𑄛𑄧𑄖𑄳𑄦𑄴𑄧𑄟𑄴 𑄃𑄬𑄟𑄴𑄘𑄨𑄌𑄨𑄖𑄴 𑄦𑄧𑄚 𑄛𑄧𑄖𑄳𑄦𑄴𑄧𑄟𑄴 𑄝𑄢𑄴 𑅁

𑄥𑄬𑄬 𑄃𑄉𑄬 𑄘𑄁𑄊𑄪 𑄟𑄧𑄦𑄬𑄌𑄴 𑄝𑄧𑄢𑄧𑄚𑄴 𑄌𑄇𑄴𑄟𑄳𑄦 𑄌𑄨𑄃𑄬𑄘𑄨𑄌𑄨𑄖𑄴 𑄃𑄬𑄌𑄴𑄃𑄬𑄌𑄴 𑄛𑄳𑄅𑄧𑄢𑄐𑄳𑄠𑄴𑄳𑄦𑄬𑄬 𑄇𑄖𑄴 𑄦𑄨𑄎𑄬𑄝𑄬 𑄇𑄟𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄬 𑄦𑄧𑄣𑄧𑄘𑄬 𑄦𑄎𑄥𑄳𑄅𑄧𑄢𑄢𑄴 𑄃𑄉𑄳𑄅𑄧𑄢𑄨 𑄃𑄬𑄟𑄴𑄘𑄨𑄌𑄨 𑄘𑄁𑄊𑄪 𑄥𑄧𑄟𑄢𑄖𑄴 𑄥𑄪𑄢𑄴 𑄌𑄇𑄴𑄟𑄳𑄦𑄢𑄴 𑄝𑄨𑄎𑄳𑄅𑄧𑄢𑄴 𑄟𑄧𑄢𑄧𑄖𑄴 𑄛𑄳𑄅𑄧𑄞𑄮 𑅁 𑄖 𑄝𑄝𑄬 𑄖𑄢𑄢𑄳𑄦𑄬 𑄜𑄬𑄬𑄣𑄳𑄆𑄬𑄬 𑄎𑄚𑄢𑄴 𑄎𑄬𑄢𑄬𑄙𑄨 𑄖𑄬 𑄢𑄎𑄧𑄚𑄨𑄖𑄨𑄖𑄴 𑄇𑄟𑄴𑄮 𑄉𑄳𑄅𑄧𑄢𑄳𑄦𑄨 𑄣𑄟𑄨 𑄃𑄬𑄟𑄴𑄘𑄨𑄌𑄨𑄖𑄴 𑄎𑄨𑄖𑄳𑄠𑄴𑄳𑄦𑄬𑄬 𑅁
𑄖𑄬 𑄌𑄨𑄃𑄬𑄘𑄨𑄌𑄨 𑄘𑄨𑄛𑄪𑄖𑄨 𑄌𑄬𑄦𑄢𑄴𑄟𑄬𑄚𑄴, 𑄃𑄨𑄃𑄬𑄟𑄴, 𑄃𑄬𑄖𑄴𑄞𑄭𑄎𑄢𑄴 𑄖𑄪 𑄛𑄳𑄣𑄚𑄨𑄁 𑄃𑄬𑄚𑄴 𑄘𑄬𑄝𑄬𑄣𑄧𑄛𑄴𑄟𑄬𑄚𑄴𑄖𑄴 𑄇𑄳𑄅𑄧𑄟𑄨𑄖𑄨 𑄃𑄳𑄃 𑄃𑄬𑄖𑄴𑄞𑄭𑄎𑄢𑄴 𑄖𑄪 𑄌𑄨𑄃𑄨𑄃𑄬𑄟𑄴 𑄛𑄧𑄘𑄧𑄝𑄨𑄉𑄚𑄩 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄬 𑄖 𑄊𑄳𑄅𑄧𑄢𑄳𑄅𑄧𑄚𑄨 𑄘𑄁𑄊𑄪𑄝𑄨 𑄥𑄪𑄚𑄨𑄖 𑄌𑄇𑄴𑄟𑄳𑄦 𑄃𑄳𑄃 𑄖𑄢𑄴 𑄖𑄨𑄚𑄳𑄦𑄴𑄮 𑄏𑄨 𑄌𑄨𑄖𑄴𑄨 𑄛𑄢𑄨𑄖 (𑄷𑄻 𑄝𑄧𑄏𑄧𑄢𑄴), 𑄌𑄨𑄖𑄴𑄨 𑄝𑄳𑄅𑄧𑄞𑄨𑄖 (𑄷𑄹 𑄝𑄧𑄏𑄧𑄢𑄴) 𑄃𑄳𑄃 𑄌𑄨𑄖𑄴𑄨 𑄥𑄪𑄎𑄪𑄉𑄨 𑄘𑄊𑄨𑄢𑄬 𑄜𑄬𑄬𑄣𑄳𑄆𑄬𑄬 𑄎𑄬𑄬𑄠𑄳𑄦𑄬𑄬 𑅁 𑄖 𑄝𑄳𑄅𑄧𑄠𑄳𑄅𑄧𑄌𑄴 𑄦𑄧𑄣𑄧𑄘𑄬 𑄺𑄷 𑄝𑄧𑄏𑄧𑄢𑄴 𑅁

𑄘𑄁𑄊𑄪 𑄌𑄧𑄢𑄧𑄚𑄴 𑄥𑄨𑄁 𑄌𑄇𑄴𑄟𑄳𑄦 𑄥𑄬𑄬 𑄃𑄉𑄬 𑄃𑄢𑄴𑄖𑄴 𑄃𑄬𑄚𑄴 𑄇𑄣𑄴𑄥𑄢𑄴 𑄃𑄢𑄴𑄖𑄨𑄌𑄴𑄖𑄴 𑄦𑄨𑄎𑄬𑄝𑄬 𑄇𑄟𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖 𑄇𑄇𑄴𑄇 𑄃𑄉𑄳𑄅𑄧𑄢𑄨 𑄃𑄬𑄟𑄴𑄘𑄨𑄌𑄨 𑄘𑄁𑄊𑄪 𑄛𑄳𑄢𑄧𑄚𑄧𑄛𑄴 𑄇𑄪𑄟𑄢𑄴 𑄌𑄇𑄴𑄟𑄳𑄦 𑄃𑄪𑄘𑄨𑄚𑄴 𑄦𑄧𑄚𑄢𑄴 𑄎𑄬𑄢𑄬 𑄖𑄬 𑄼 𑄖𑄢𑄩𑄇𑄴 𑄎𑄪𑄚𑄴 𑄟𑄳𑄦𑄌𑄴 𑄸𑄶𑄷𑄿-𑄎𑄧𑄢𑄴 𑄞𑄭-𑄃𑄨𑄣𑄬𑄇𑄴𑄥𑄧𑄚𑄧𑄖𑄴 𑄘𑄢𑄬𑄬𑄚𑄳𑄆𑄬𑄬 𑄎𑄨𑄖𑄳𑄠𑄴𑄳𑄦𑄬𑄬 𑅁 𑄖𑄬 𑄘𑄨𑄛𑄪𑄖𑄨 𑄥𑄨𑄛𑄴 𑄈𑄪𑄦𑄨𑄛𑄴 𑄃𑄧𑄛𑄴 𑄌𑄨𑄃𑄬𑄘𑄨𑄌𑄨, 𑄃𑄨𑄃𑄬𑄟𑄴

𑄃𑄳𑄃 𑄃𑄬𑅄𑄧 𑄛𑄳𑄣𑄚𑄨𑄁 𑄃𑄬𑄚𑄴 𑄘𑄬𑄝𑄬𑄣𑄧𑄛𑄴𑄟𑄬𑄖𑄴 𑄇𑄳𑄅𑄧𑄟𑄨𑄖𑄨𑄢𑄴 𑄃𑄬𑄖𑄴𑄞𑄭𑄎𑄢𑄴 𑅁

𑄖𑄬𑄠𑄳𑄦𑄮 𑄖 𑄊𑄳𑄅𑄧𑄢𑄳𑄅𑄧𑄚𑄨 𑄘𑄁𑄊𑄪𑄝𑄨 𑄇𑄳𑄅𑄧𑄝𑄨𑄚 𑄌𑄇𑄴𑄟𑄳𑄦 𑄃𑄳𑄃 𑄖𑄨𑄚𑄳𑄦𑄴𑄮 𑄏𑄨 𑄌𑄨𑄖𑄴𑄨 𑄛𑄧𑄖𑄴𑄧𑄟𑄩 𑄌𑄇𑄴𑄟𑄳𑄦 (𑄷𑄻 𑄝𑄧𑄏𑄧𑄢𑄴), 𑄌𑄨𑄖𑄴𑄨 𑄥𑄳𑄅𑄧𑄢𑄴𑄥𑄳𑄅𑄧𑄢𑄨 𑄌𑄇𑄴𑄟𑄳𑄦 (𑄝𑄢𑄳𑄦𑄧 𑄝𑄧𑄏𑄧𑄢𑄴) 𑄃𑄳𑄃 𑄌𑄨𑄖𑄴𑄨 𑄢𑄳𑄅𑄧𑄥𑄨𑄦𑄟𑄨 𑄌𑄇𑄴𑄟𑄳𑄦 (𑄺 𑄝𑄧𑄏𑄧𑄢𑄴) 𑄹𑄾 𑄝𑄧𑄏𑄧𑄢𑄴 𑄝𑄧𑄏𑄧𑄖𑄴 𑄜𑄬𑄬𑄣𑄳𑄆𑄬𑄬 𑄎𑄬𑄬𑄠𑄳𑄦𑄬𑄬 𑅁

𑄘𑄁𑄊𑄪 𑄃𑄟𑄧𑄣𑄴 𑄥𑄳𑄢𑄨𑄝𑄌𑄴𑄖𑄧𑄞, 𑄃𑄭𑄃𑄬𑄃𑄬𑄌𑄴, 𑄘𑄨𑄛𑄪𑄖𑄨 𑄇𑄳𑄅𑄧𑄟𑄨𑄥𑄧𑄚𑄢𑄴, 𑄣𑄧𑄁𑄖𑄣𑄭 𑄃𑄳𑄃 𑄇𑄬𑄃𑄢𑄴𑄖𑄬𑄇𑄢 𑄌𑄨𑄃𑄬𑄘𑄨𑄌𑄨𑄠𑄬𑄬 𑄃𑄬𑄇𑄳𑄦𑄴𑄚𑄴 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄘𑄨 𑄛𑄘𑄬𑄬𑄠𑄳𑄦𑄬𑄬 𑅁 𑄥𑄬𑄬 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖𑄊𑄚𑄴 𑄖𑄢𑄳𑄦 𑄃𑄪𑄘𑄨𑄏𑄬𑄬 𑄘𑄨𑄌𑄨𑄠𑄬𑄬 𑄃𑄳𑄃 𑄌𑄨𑄃𑄬𑄘𑄨𑄌𑄨 𑄇𑄬𑄃𑄢𑄴𑄖𑄬𑄇𑄢𑄬 𑄇𑄎𑄢𑄨 𑄚𑄚𑄪 𑄣𑄧𑄊𑄬 𑄃𑄳𑄃 𑄇𑄎𑄢𑄨 𑄇𑄟𑄴𑄎𑄢𑄨 𑄟𑄚𑄫𑄌𑄴 𑄃𑄬𑄉𑄧𑄖𑄴𑄧𑄢𑄬 𑄉𑄳𑄅𑄧𑄢𑄳𑄦 𑄦𑄳𑄅𑄧𑄠𑄬𑄬 𑅁

𑄘𑄨𑄌𑄨𑄞𑄳𑄆 𑄖 𑄝𑄖𑄴𑄖𑄖𑄴 𑄖𑄢𑄳𑄦𑄢𑄴 𑄃𑄧𑄇𑄣𑄴 𑄚𑄨𑄏𑄬𑄬𑄌𑄴 𑄜𑄬𑄬𑄣𑄳𑄆𑄬𑄬 𑄎𑄚𑄊𑄚𑄴 𑄌𑄇𑄴𑄟𑄳𑄦 𑄎𑄘𑄧𑄢𑄴 𑄛𑄳𑄅𑄧𑄣𑄴 𑄘𑄨 𑄚𑄧𑄝𑄌𑄳𑄠𑄴𑄬𑄬 𑄉𑄪𑄚𑄮𑄦𑄢𑄴 𑄦𑄳𑄅𑄧𑄠𑄬𑄬 𑄞𑄨𑄣𑄨 𑄎𑄳𑄃𑄢𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁
𑄥𑄬𑄬 𑄣𑄧𑄊𑄬 𑄖𑄢𑄳𑄦𑄢𑄴 𑄊𑄳𑄅𑄧𑄢𑄴𑄝𑄳𑄅𑄧𑄢𑄳𑄦𑄬 𑄦𑄝𑄨𑄣𑄬𑄬𑄌𑄴 𑄝𑄖𑄴𑄖 𑄣𑄧𑄊𑄬 𑄎𑄢𑄳𑄦 𑄉𑄢𑄩 𑄘𑄧𑄏𑄚𑄧𑄖𑄴 𑄘𑄪𑄇𑄴 𑄛𑄬𑄬𑄠𑄳𑄅𑄧𑄚𑄴 𑄖𑄢𑄳𑄦𑄢𑄴 𑄏𑄘𑄨𑄟𑄘𑄨 𑄛𑄘𑄧𑄣𑄴 𑄛𑄚𑄳𑄦 𑄛𑄢𑄴𑄏𑄢𑄴 𑄉𑄳𑄅𑄧𑄌𑄳𑄠𑄴𑄳𑄦𑄬𑄬 𑅁 𑄖𑄢𑅁𑄦 𑄃𑄪𑄘𑄨𑄏𑄬𑄬 𑄥𑄧𑄢𑄧𑄚𑄴 𑄉𑄳𑄅𑄧𑄢𑄳𑄦𑄨 𑄌𑄇𑄴𑄟𑄳𑄦 𑄃𑄧𑄖𑄧𑄚𑄧𑄟𑄳𑄦𑄌𑄴 𑄘𑄨𑄌𑄴𑄖𑄳𑄢𑄨𑄇𑄴 𑄇 𑄃𑄪𑄚𑄴𑄥𑄨𑄣𑄮𑄖𑄴 𑄘𑄨 𑄙𑄨 𑄷𑄼 𑄃𑄳𑄃 𑄷𑄽 𑄖𑄢𑄩𑄇𑄴 𑄥𑄧𑄁 𑄥𑄳𑄅𑄧𑄖𑄴𑄨 𑄘𑄬𑄬 𑄦𑄳𑄅𑄧𑄠𑄬𑄬 𑅁

𑄇𑄎𑄢𑄨𑄖𑄳𑄦𑄴𑄪𑄚𑄮 𑄌𑄨𑄃𑄬𑄘𑄨𑄌𑄨 𑄥𑄬𑄇𑄳𑄢𑄴𑄬𑄖𑄢𑄨𑄦𑄬𑄘𑄧 𑄃𑄪𑄘𑄳𑄅𑄧𑄚𑄧𑄖𑄴 𑄖𑄢𑄳𑄦 𑄃𑄪𑄘𑄨𑄏𑄬 𑄘𑄪𑄊𑄳𑄅𑄧 𑄦𑄝𑄨𑄣𑄬𑄬𑄎𑄧 𑄣𑄧𑄊𑄬 𑄉𑄧𑄟𑄴 𑄇𑄪𑄣𑄳𑄅𑄧𑄖𑄴 𑄃𑄞𑄧𑄢𑄴 𑄈𑄬𑄝𑄣𑄴𑄮𑄖𑄳𑄆𑄴𑄬𑄬 𑄖𑄧𑄝𑄧𑄚 𑄉𑄳𑄅𑄧𑄢𑄳𑄦𑄨 𑄘𑄬𑄬 𑄦𑄳𑄅𑄧𑄠𑄬𑄬 𑅁